金寶冰廳

营业中

休息中

金利多人又逼，所以3月头开始试呢个冰厅，只食过早餐，试过沙爹牛面，及雪菜面，有人大赞沙爹牛面，试过d牛肉系好软腍既，不过自己本身不太好沙爹，所以唔觉得有咩特别，反而觉得佢d雪菜几好食，有炒香既味道，炒蛋系即炒既，至于奶茶，我一向觉得茶餐厅d奶茶放耐左会变酸，但呢间好似无，但都系觉得无咩特别。环境方面，灯光唔算光猛但感觉算系干净，唔似前面个间金利，一入去有种污糟既感觉。匙羹叉用牛油纸包住，心理上会觉得干净d，唔使怕个个都摸过晒。服务方面，通常落单既都系个位太子(佢应该系收银伯伯个仔？) 佢例牌木口本面，不过茶餐厅服务我都无咩期望了，态度唔太差都接受了。不过最令我顶唔顺既系门口收银既伯伯唔带口罩(呃..正确应该系口罩系下巴度，但咁同无带有咩分别) ，仲要系咁咳。厨房师傅又系唔带口罩系度大大声吹水，OK，眼不见为干净，不过现在疫情下，我不能再接受了，所以唔会再去。