快樂．順景

营业中

休息中

第一次写食评，估唔到系嬲到要写负评，仲要系第一次帮衬依间，亦系最后一次帮衬！首先同同事买外卖时，对于餐牌有不明白问一句，都俾佢串话：「唔系一定要睇图，加钱咪可以转，唔明有咩问题！」咁唔明问下都正常，你做得生意，客唔明就应该解释，个餐牌图令人难明，会唔会系你餐厅要改进先岩，使唔使咁差嘅态度！之后问点解收个钱会贵过牌餐，又串话：「点呀！外卖要加钱！」仲要眼啤啤，其实你唔讲，客又点知要加钱，服务态度真系差到可以攞全港第一，仲要我哋买个两个包都唔热，又痴牙，一啲都唔好食！我前面有对外国人买野都系咁俾佢串，佢哋都用英文呻咗句！其实铜锣湾咁多餐厅茶餐厅既选择，真系唔需要俾钱买难受，仲要野食唔好食，加上世一差既服务态度，真系百年难得一遇，我同同事都唔会再帮衬，亦会叫身边既同事朋友唔好帮衬！