break (已結業)

今日专登过嚟朝早谂住买杯咖啡，因为平时行过见铺头门面都几靓，谂住试下。好啦，叫左一杯热latte ($38)，一杯热Americano ($38)，我比Apple Pay，一野收左我$78，见到payment过左数我先知，问声收银服务员，🥲点知佢大大声讲粗口：顶！㩒错钱！跟住就等左一大轮，再收过我嘅Payment … 咁等待期间，佢嘅同事帮我冲紧两杯咖啡，但见佢地拉低口罩，系到试咖啡先再帮我冲，我都觉得正常不过⋯ 但去到冲我两杯Order左嘅咖啡，佢地都系拉低口罩，两个人轮流伸个鼻去嗅我杯咖啡🤢 咁因为疫情严重，我同收银姐姐讲声： emmmmm 佢地咁样拉低口罩去嗅我杯咖啡好似唔系咁好啵 ⋯ 点知收银姐姐发脾气，超大声：同事呀！你杯咖啡掉咗佢啦！再冲过！比人闹呀当下我作为客人⋯觉得感觉太差⋯因为担心卫生问题而提出嘅一句说话，点解要发咁大脾气⋯完全不专业，之后收银姐姐仲走去同佢冲紧咖啡嘅同事细细声讲，大声笑；令我哋觉得感觉好差，永远不会再帮衬。