肉餅哥小炒料理 (已結業)

今日落大围剪头发，因为大围长期无车位问题，所以决定试试去美林食饭顺便泊车，之后上OpenRice 睇睇有咩食，发现有间肉饼哥开咗喺美林邨，所以就决定试吓食。入到去唔使等位，发现装修都唔错，客人都算多，坐低睇睇餐牌，都好多选择，有唔同嘅肉饼，有啲仲好特别，例如好立克肉饼等等。叫咗两个唔同味道嘅肉饼，一个系椒盐，一个系莲藕，味道都唔错，唯独点菜嘅阿姐态度极恶劣，明知咁多选择，都吹住点菜，唔使睇嘅咩？食饱饱俾钱就问问收银阿姐有冇收据可以泊车，其实冇都唔紧要，但系个阿姐竟然闹返转头，话唔够钱点会俾你，即是激到我想死,其实态度可以好啲啰。不会再帮衬呢间！