牛奶冰室 (智選假日酒店)

营业中

休息中

本人一家六口于下午茶时段光顾，侍应帮我哋口头落单，先后两次上错奶油多都算，谂住叫佢印张单出嚟俾我埋单，店长亚姐话唔使印，要我哋直接去收银处付款，当时佢同我哋讲话枱号24($122)去到收银处，长辈用八达通付款，但收银处位哥哥话长辈拍卡唔成功，要求长辈多拍一次八达通付款, 今次变咗枱号21 ($127) 。长辈表示为何要拍两次卡（以及价钱不一）。收银员没有解释，要求店长亚姐帮手解围，过程中店长坚称系统显示只收到一次钱（店长固意隐瞒付款画面）但家人在柜台看到电脑画面显示四分钟内收咗两次钱。店长更直指长辈拍错卡，并要求再次付款。首先唔肯印单出嚟，然后讲错枱号，收错钱唔认，仲要冤枉老人家冇付款，不知所谓。最后，因为我哋影到个收银机画面，店长亚姐先肯退款。此等恶劣及不诚实嘅服务态度，唔会再帮衬。亦奉劝各位唔好帮衬。唔好助长呢啲垃圾餐厅。