影片
更多
2022-09-18
211 浏览
2年前发现咗哩间小店，价钱略贵不过够高质。尤其系烧菠萝，有层焦糖包住块多汁菠萝，真系一绝。之后一直有keep住帮衬，每次都keep到咁高质。最近去帮衬，见到佢改咗名+menu，午市冇咗烧焦糖菠萝，要晚市先有，所以今晚决定再去。一去到冇室内位，咁唯有坐露天位，但今日30几度，佢连风扇都冇把，本身舖头又位于后巷位，卫生期望唔会太高，但真系未食都热到就嚟中暑。环境麻麻都算，只要keep到我之前帮衬𠮶个质素，我就已经满足。首先，我嗌咗份大阪烧，蛋汁汉堡扒丼同两份烧菠萝。大阪烧比起之前更加多粉同粟米，口感奇差，因为粉浆太厚。8嚿烧菠萝卖相吸引，同样有一层脆焦糖，菠萝亦多汁，可惜全部都好酸，个菠萝好似未成熟。酸到我连块焦糖嘅味都食唔到。个汉堡扒算好食，个饭加咗粟米粒同中学D活力午餐一样。最尾埋单300蚊。其实食物质素下降同改名应该冇乜关系，但有D问题好简单就可以避免到。例如，你D菠萝其实切好哂我相信唔系叫货，应该系自己切，所以你自己食一块就知质素好定差。质素差你大可以拎去整特饮，唔好要D客用28蚊买4嚿下栏货。用300蚊食饭有大把更好嘅选择。我由东京食堂食到你变东京天井食堂，𠮶种失望系金钱都衡量唔
最近去帮衬，见到佢改咗名+menu，午市冇咗烧焦糖菠萝，要晚市先有，所以今晚决定再去。
一去到冇室内位，咁唯有坐露天位，但今日30几度，佢连风扇都冇把，本身舖头又位于后巷位，卫生期望唔会太高，但真系未食都热到就嚟中暑。环境麻麻都算，只要keep到我之前帮衬𠮶个质素，我就已经满足。
首先，我嗌咗份大阪烧，蛋汁汉堡扒丼同两份烧菠萝。大阪烧比起之前更加多粉同粟米，口感奇差，因为粉浆太厚。8嚿烧菠萝卖相吸引，同样有一层脆焦糖，菠萝亦多汁，可惜全部都好酸，个菠萝好似未成熟。酸到我连块焦糖嘅味都食唔到。个汉堡扒算好食，个饭加咗粟米粒同中学D活力午餐一样。
最尾埋单300蚊。其实食物质素下降同改名应该冇乜关系，但有D问题好简单就可以避免到。例如，你D菠萝其实切好哂我相信唔系叫货，应该系自己切，所以你自己食一块就知质素好定差。质素差你大可以拎去整特饮，唔好要D客用28蚊买4嚿下栏货。用300蚊食饭有大把更好嘅选择。我由东京食堂食到你变东京天井食堂，𠮶种失望系金钱都衡量唔到，来货贵咗就自然要加价，哩样我明，但你加价keep唔住个水准不特指重差咗，就完全冇办法接受。
我唔系住附近，每次我都系特登由九龙去尖沙咀帮衬，以前我觉得值得，但今次真系好失望。
张贴