The Mafe Cafe (已結業)

旺角登打士街同弥敦道交界嘅高氏大厦系出左名嘅cafe集中地，虽然唔算好高，都揾到好多间咖啡室。平时lunch就好少可去cafe，但间中都想揾个静静地嘅地方倾下计，呢度不失为一个选择位于3楼嘅MAFE，应该都系新接手，仲记得上为加勒比海曾经都系旧时好多学生最爱。餐厅系两个单位打通，灯光充足，枱櫈都好新净，地方阔落，其中人多更加有啲大型卡座，起码坐到十零人。平日午市供应套餐，定价$44-60，包一杯$38嘅饮品、亦可以加钱配甜品，套餐基本上同另一分店孖啡系一样，有沙律、意粉、饭面等，价钱合理。我地几个点左两份午餐，两份小食，都足足坐左两个几钟，几舒服悠闲焗吞拿鱼天使面 $48唔算太正宗，系比较幼身嘅意粉，用上吞拿鱼、芝士、白汁咁焗成，份量很足，男士都够哂饱。味道中规中矩，可以接受，40零蚊。黑椒牛柳粒饭 $60比较出色，卖相又吸引啲。黑椒牛柳粒都几大方，大大话话都有十几粒，另伴彩椒炒，几香口。牛粒唔老唔韧，我觉得都几抵食。炸鱼手指 $42正常急冻野，但都炸得几香脆，鱼肉都仲几滑，唔会过火，配沙律酱合格有余。蒜香鸡翼 $42一份六只，鸡翼腌得几好食，炸得唔会太油腻，面头洒左啲蒜蓉，好香口啊。