J大大

营业中

休息中

今日放假去左元朗泳池swim完，正想去揾食，行行下落雨，揾地方避雨时比我遇到j大呀(个招牌😈)。潮文有教，有j大既地方应该无咩伏既，抱住有瓦遮头既情况下又有个beat从五藏庙激烈禁同雨水crossover，一试新野既心情向舖头一步一步走向，睇睇j大大有几劲先。入到去望下个餐牌，食物相同食物名不断系我眼中飞入大脑，肚就不其然打了广东话九声声调报出食物既好味先后次序。我叫了个韩式鸡肉包，转餐加个cream soda，禁先系美式风格。五分钟左右包到，咬一啖，包既脆度刚刚好，feel到包系有烘，鸡肉加上韩式sauce，都系第一次食，果然店名无fake人，小店老板不会因小店开系横街，做足咪又系fastfood唔做足都有饱肚既感觉心态，加分。以呢个物价高到我都望唔到既小港口中，呢间快食小店又可以系我元朗食店list度留名了。