盈苑

营业中

休息中

对于我呢啲个个星期六都要返工嘅人嚟讲，星期六系红日，都系唔错嘅一件事，变咗可以连续休息两日。听日唔使返工，就同老婆出观塘行吓街。阿妈话好耐无食呢间啲点心。难得佢有建议，就食呢间啦!呢间餐厅内部结构系中式风格。侍应十分有耐心同态度好好！而且食材十足，份量好大，所以我觉得几抵食！手拍青瓜海蜇 - 青瓜拼海蜇小食摆盘都几靓，青瓜味道清甜爽脆；海蜇出奇地有小小辣，口感也够爽囗✨喺唔错嘅开胃小食😆星级干炒安格斯牛河 – 牛河热辣辣上枱，已经传出阵阵香气。牛肉份量都几多，食落肉质好腍。星级干炒成嘅河粉，口感好滑。酱汁咸度适中，而且炒得够镬气，好食。原个马拉糕 - 呈淡黄色，用筷子夹起就觉得软熟，食薄松软富蛋香，而且唔黏牙。小鸡咸水角 - 平时唔太钟意食咸水角，但盈馆嘅小鸡咸水角好出名，试过一次都会知道佢点解桌桌必点。咸水角馅唔会太咸太重口味，酥皮口感同味道都好。鲜肉小笼包 - 皮薄馅靓，一食落去，汤立刻咇出嚟，十分出色！可惜食得太饱咗唔可以再点多一笼，抱住遗憾离开。（没有用餐优惠）