雅苑座

帝苑酒店地点方便，适合我约住不同地区嘅家友朋友食自助餐(雅苑座)。今日放大假，带美国🇺🇸回港探亲既哥哥及嫂嫂同家人一行8人食中午自助餐，平日都有九成满座，真系非常之受欢迎。我都系喜欢食冻海鲜，有阿拉斯加蟹脚、翡翠螺、虾、蚬、龙虾钳及面包蟹，🦀️脚虽然唔系好大只，但都唔咸有鲜味😋，刺生嘅三文鱼、吞拿鱼及八爪鱼都新鲜。海南鸡饭份量适中，系招牌菜之一，串烧都多选择，不过今日我无食。 今日沙律菜好多款式及非常新鲜，有几样沙律酱可选择。西冷牛扒卖相一般，但食落有惊喜，好香牛肉味，加少许芝士焗薯蓉👍🏻。甜品选择非常之多，我拣咗Tiramisu 及蓝莓芝士饼，当然仲有帝苑酒店出名嘅蝴蝶酥啦，加埋即制斑兰香蕉pancake 配Häagen-Dazs 雪糕，非常之满足。饮品有好多选择，有果汁、罐装汽水、咖啡及茶都系自助及free flow 任饮。我做埋Go Royal金咭会员，食自助餐有62折扣优惠， 加埋两老有长者优惠，真系非常之抵食🥰