金甲韓國料理 (已結業)

前日放假同朋友去食，去到旺角又唔知食乜好，见到楼下有人派传单又唔系贵就上去试下啦。上到去啲staff都几nice，座位都算阔落，四个人一张卡位岩岩好。食物方面，真系有surprise!! 本身以为都系一般平价韩烧咁得几款，点知都几多野食，三文鱼刺身都算几新鲜，同埋好抢手😂我最中意食佢既金菇肥牛卷同牛柳粒，又香口又好味，食到停唔到口😂有朋友唔食牛既，佢就最中意食鱿鱼同鸡翼，性价比好高😍熟食几有惊喜，连人参鸡汤都有，饮得岀无乜味精，正！野饮有豆浆五花茶，仲有唔同既纸包同罐装饮品，连可口可乐，忌廉鲜奶同cc apple都有，岀面通常得百事同cc lemon😂甜品一定唔少得雪糕啦，抹茶云呢那朱古力都有，奶冻啫喱木槺布甸，每样都食到真系好满足！总括泥讲，一定会再去！员工好亲切，一见到我地坐风口位就帮我地调较冷气，换铁板又够快，餐厅无乜油烟，如果想同朋友静静地倾下计，又想平平地食餐好既，呢到真系一个唔错既选择！