Tom N Toms Coffee (已結業)

忙左好几个星期，今日难得放假冇嘢做，即刻约咗几个闺蜜去近排喺南昌新开嘅商场行下！Tom n Toms嘅多士一向好出名，卖相同口味都系100分，所以血拼之前，就同埋闺蜜入去医下肚饿先🤤［黑松露酱杂菌薄饼］（$55）黑松露酱同杂菌平均分布喺每一片薄饼上面，芝士亦都能够做出拉丝效果，值得一试！饮品方面，特别挑选左呢杯士多啤梨乳酪沙冰（+$24）😋士多啤梨配上乳酪，酸酸甜甜，特别开胃!而友人亦挑选咗一杯美式有汽咖啡(+$16)，咖啡味不算浓厚，味道尚可!［蜂蜜坚果吐司］（$55）甜吐司一直系我嘅最爱❤呢款吐司脆卜卜嘅坚果碎放喺厚厚嘅多士上面，配上浓厚而不细嘅忌廉，口感相当丰富！另外值得一提嘅系友人点嘅呢杯薄荷朱古力汤姆冰乐，淡淡嘅薄荷香配上浓郁嘅朱古力，一啖就可以让人品尝双重滋味！［蜜糖芥末火腿芝士吐司］（$50）蜜糖芥末口味永远都唔会令人失望，配上外脆内软嘅吐司，加埋满满嘅芝士同火腿，味道不错！［番茄芝士牛角包］（$55）牛角包嘅外层松脆可口，芝士加上蕃茄，十分饱肚!总结:蜂蜜坚果吐司+薄荷朱古力汤姆冰乐 大推!!价钱合理，唯座位较窄，颇适合姊妹淘小聚!