名門讌客 (已結業)

放假同D姨妈姑姐一齐去饮茶，lunch time时间都好多人排队，可能因为有优惠既关系！饮茶一定叫既流沙包，个包热辣辣够晒软，食落味道甜甜地，有咸蛋黄沙，不过流沙无流出黎，唔算系一个令既流沙包。另外叫左一笼鳯爪，味道几好，偏重豆豉味~鳯爪煮得好淋，几入味。烧卖几大粒,有好多猪肉，食落去有淡淡既鲜甜，面仲一d蟹子增加口感。食左咁多肉就叫d菜食下，呢个菜味道清甜，睇菜汁既颜色就知道唔野少，而且d菜都几嫩。肠粉皮偏厚，鲜虾肠粉唔系太多料，反而牛肉肠粉就好好多，啖啖肉！豉汁蒸排骨几够味，排骨既肉质几嫩滑，唔会好大阵雪藏味。