Burger Factory (已結業)

难得放假，通常都钟意系屋企附近四围行四围去发掘一下有冇啲新嘅餐厅小食，而呢间汉堡包点应该开业唔够一星期，当然就去试下啦。餐牌方面都有多种汉堡选择，有牛、鸡、鱼、素汉堡等等都算多选择。即叫即整，全程都可以睇到佢整汉堡嘅过程。红酒烩牛脸珠汉堡套餐汉堡包虽然即叫即整但都唔会等好耐，上到枱𠮶阵其实见到个汉堡包都好大份，牛脸肉好有牛味但根位可以再淋多少少，内里就加咗炒洋葱同沙律菜，令食果阵唔会油腻。而薯条方面就转咗蕃薯条，味道甜哋几香口。整体套餐都算大份，成个套餐食咗九成已经饱哂。