LOST STARS LIVEHOUSE BAR & EATERY (已搬遷) 新店位置

网上面见到呢间餐厅唔错，就趁住放假，去叹个long lunch。奥运站行过嚟呢间餐厅只系5分钟，玻璃幕墙嘅餐厅好soho。餐厅播放住唔同语言嘅轻松音乐，非常舒适。我哋到达嘅时间大概1:00，呢个时间tea同lunch都可以order。同老公点左两份set lunch。餐汤系粟米汤，香浓而绞碎啲粟米好有咬口。加拿大保湿嫩猪鞍 - 感受到肉质湿润，好腍好juicy，伴菜薯蓉香滑而且唔漏，配以酸酸地嘅伴酱，好好味。慢煮澳洲肉眼 - 好香嘅烧烤味，肉质juicy。我连伴菜薯仔粒都食哂～Today’s dessert (Lemon Egg White, Lava cake) - 柠檬味好重，上面嘅蛋白泡泡，配合成清新感觉嘅甜品。心太软唔会过甜，切开𠮶种感觉好治愈。餐饮Blueberry Yogurt, La Vie En Rose - 两杯饮品都好fresh好健康，一个系酸酸地，一个系既闻到又饮得出好香嘅花茶。职员仲话夜晚会有live music 。呢间餐厅回头率极高，而且职员都好专业，下次同d friends 聚聚又多个地方。