影片
更多
2017-02-21
3626 浏览
临近节日，各大餐厅都唔会错过呢个时刻推出相关套餐，酒店当然唔会例外。帝景酒店推出咗草莓甜点诱惑下午茶自助餐，睇到广告，有啲吸引，男朋友亦好好，主动打电话去订定位。下午茶自助餐，成人正价只系$188，若果系Openrice列印定优惠卷，仲可以享有半价优惠。呢个甜品以草莓主题既下午茶自助餐只限星期六、日供应。酒店系汀九桥下面，感觉有啲遥远，但其实系荃湾地铁站附近搭shuttle bus，唔驶十五分钟就入到去，所以都好方便。当日去到，见到有家庭想walk in，不过已经full晒，所以最好就一早book定位。我地被安排坐窗边，环顾四周，果然全场满座，情侣又有，一家大细又有，三四个到十几个既朋友聚会都有。起初我一心以为只系得甜品食，两个人各自食咗小小嘢，点知入到去先发现选择丰富。由前菜、沙律，到刺身，再到面食、热盘、甜心等等，同平时嘅自助餐款式一样咁多。入到去真系忍唔住每样食物都要试下。而且甜品种类仲有好多，花多眼乱。甜品好多都系以士多啤梨为主题嘅甜品，次次一出都会吸引咗好多人出去拎，可见大家都几想试下。主要试左法式千层酥、炖蛋、mousse蛋糕、泡芙等等，整体味道都算唔错。法式千层酥（上图左
帝景酒店推出咗草莓甜点诱惑下午茶自助餐，睇到广告，有啲吸引，男朋友亦好好，主动打电话去订定位。
下午茶自助餐，成人正价只系$188，若果系Openrice列印定优惠卷，仲可以享有半价优惠。呢个甜品以草莓主题既下午茶自助餐只限星期六、日供应。
酒店系汀九桥下面，感觉有啲遥远，但其实系荃湾地铁站附近搭shuttle bus，唔驶十五分钟就入到去，所以都好方便。
当日去到，见到有家庭想walk in，不过已经full晒，所以最好就一早book定位。我地被安排坐窗边，环顾四周，果然全场满座，情侣又有，一家大细又有，三四个到十几个既朋友聚会都有。
起初我一心以为只系得甜品食，两个人各自食咗小小嘢，点知入到去先发现选择丰富。由前菜、沙律，到刺身，再到面食、热盘、甜心等等，同平时嘅自助餐款式一样咁多。
入到去真系忍唔住每样食物都要试下。而且甜品种类仲有好多，花多眼乱。
甜品好多都系以士多啤梨为主题嘅甜品，次次一出都会吸引咗好多人出去拎，可见大家都几想试下。主要试左法式千层酥、炖蛋、mousse蛋糕、泡芙等等，整体味道都算唔错。
法式千层酥（上图左）味道唔会过甜，而且内里有好多士多啤梨果肉，非常清新。
热食方面，有鸭肝酱焗酿烧烤蘑菇、Pizza、椒盐三文鱼头腩、盐烧牛舌香草鲜茄汁、泰式烧猪颈肉等等，味道都唔错而且定时都会更换食物。
食饱之后，再系附近沙滩行下，睇下日落，确实写意。
张贴
