影片
更多
2021-08-29
209 浏览
今日起身已经系下午两点老公难得放假佢嘅朋友约佢夜晚打牌见有时间就喺附近食下野先🥰🥰🥰老公之前喺附近做嘢所以就带咗嚟呢度食一去到门口已经见到有条长队喺度买蛋挞骤眼见到起码都有10个人入到去就坐低餐牌都未睇就叫咗两个蛋挞+2杯热奶茶之后等我睇吓餐牌先😎老公极力推介佢嘅炒意粉大碟到两个人食都得由于我系唔钟意食茶餐厅嘅炒粉面饭平时去茶餐厅食嘢都系叫粉面见到佢啲牛肉写住鲜牛肉本来想食沙嗲牛肉米粉但佢沙嗲牛肉只可以配意大利粉或者通粉或者公仔面呢啲都唔想食唯有叫咗个新鲜牛肉河粉老公叫黑椒公司炒意粉侍应问落唔落黑椒原来黑椒可以唔落咁佢就唔要冇咁重口味都人都健康啲💪💪总括言而：🙂🐣🐣蛋挞：佢系酥皮做嘅，但系唔似出边有啲饼舖，佢啲酥皮无明显分开但系好香脆同埋吾似出面饼铺食完有好油腻嘅感觉啲蛋浆都好有蛋味，唔似沟咗好多水但系$8.00个都几贵🙈（个人觉得）95.63分☕️☕️热奶茶：都够热嘅，我自己饮开就唔会加糖，都饮得出啲茶味，但我觉得吾够滑，有啲鞋口埋单时见到，原来喺2016年呢一间餐厅系攞个米芝连奶茶大奖唔知点解我觉得太兴热奶茶好饮啲另外，可能平时要饮野都系跟餐先叫原来而家争叫一杯热奶茶要成$19.00真
老公难得放假佢嘅朋友约佢夜晚打牌
见有时间就喺附近食下野先
🥰🥰🥰
老公之前喺附近做嘢所以就带咗嚟呢度食
一去到门口已经见到有条长队喺度买蛋挞
骤眼见到起码都有10个人
入到去就坐低餐牌都未睇就叫咗两个蛋挞+2杯热奶茶
之后等我睇吓餐牌先😎
老公极力推介佢嘅炒意粉大碟到两个人食都得
由于我系唔钟意食茶餐厅嘅炒粉面饭
平时去茶餐厅食嘢都系叫粉面
见到佢啲牛肉写住鲜牛肉
本来想食沙嗲牛肉米粉
但佢沙嗲牛肉只可以配意大利粉或者通粉或者公仔面
呢啲都唔想食
唯有叫咗个新鲜牛肉河粉
老公叫黑椒公司炒意粉
侍应问落唔落黑椒
原来黑椒可以唔落咁佢就唔要
冇咁重口味都人都健康啲💪💪
总括言而：🙂
🐣🐣蛋挞：
佢系酥皮做嘅，但系唔似出边有啲饼舖，
佢啲酥皮无明显分开但系好香脆
同埋吾似出面饼铺食完有好油腻嘅感觉
啲蛋浆都好有蛋味，唔似沟咗好多水
但系$8.00个都几贵🙈（个人觉得）
95.63分
☕️☕️热奶茶：
都够热嘅，我自己饮开就唔会加糖，
都饮得出啲茶味，但我觉得吾够滑，有啲鞋口
埋单时见到，原来喺2016年呢一间餐厅
系攞个米芝连奶茶大奖
唔知点解我觉得太兴热奶茶好饮啲
另外，可能平时要饮野都系跟餐先叫
原来而家争叫一杯热奶茶要成$19.00
真系买嘢唔知价
比分：80.33分
黑椒公司炒意粉🍝：
都真几大碟，试咗一啖都几好食
炒得干身，啲牛肉有腌过所以都几好味，
成碟野吾算太咸
牛肉唔un但又无觉得特别好食，
意粉吾系淋pat pat,其他配料就普普通通啦⋯⋯
食野时周围睇，原来一至五叫呢个炒粉面加$10就有杯热奶茶
点解唔系套餐嘅？？？
系咪穷限制咗我嘅思想？
我都知唔系样样野都有歺叫
不过一至五如果唔系套餐嘅话
而呢个铺位又唔系近商业大厦
咁佢都系做街坊生意为主，个价钱好似有少少贵
定系呢度嘅街坊都比较有钱？！
就咁一碟炒意粉要$46好似有少少贵
定系因为新鲜牛肉嘅原因令成本增加
80.45分
新鲜牛肉河
吓死人啰，碗野劲少汤，啲粉拎出嚟都唔够10秒
已经见唔到啲汤
有冇咁快索晒汤😟定系佢比唔够汤
成碗面个样一嚟到白涮涮，一粒葱都冇
非常唔讨好
试咗牛肉先，新鲜牛肉冇腌原味，
正常野啰，吾un，
其实间餐厅喺餐牌度注明用新鲜牛肉
算唔算系一个噱头🤔🤔
啲河粉唔知系咪唔够汤定点样
完全夹唔起，一夹就碎
我净系食晒啲牛肉
啲河粉食咗两三啖就冇食
$35.00呢个价钱我觉得我唔会再叫
75.23分
个人认为：
可能我未试其他嘢，
目测整体上间餐厅啲人都系叫蛋挞
我觉得除咗我会再嚟呢度食蛋挞之外，
冇咩事都唔会嚟食！
除非老公带我嚟我都唔会自己嚟
另外，值得一点要赞
就系佢呢度都真系几有人情味
话说我隔离枱有个眼睛残障嘅人士
可能佢成日黎嘅关系
老板都会亲自带位俾佢
同佢讲只杯系边个位捉佢只手掂住再帮佢写单
到啲嘢食嚟，
女侍应就话俾佢听杯冻饮系左手边
沙嗲牛肉治系右手边
到佢只手掂到个包个女侍应先走开
𠮶个男仔饮晒杯冻饮之后个女士应会主动攞杯水俾佢，同佢讲系咪倒落杯柠檬茶里面，
前前后后都攞咗两杯水比佢
8 浏览
0 赞好
0 留言
张贴
