影片
更多
2024-07-19
2069 浏览
个个星期都要食炸鸡嘅我😂早几日见到葵芳超多人食𠮶间韩国人做ge K chef story原来已经进驻沙田！跟住我就即刻打畀屋企人问下佢哋愿唔愿意同我呢个炸鸡狂人今晚又食炸鸡！由于我系住喺马鞍山嘅关系其实喺沙田搭巴士返去差唔多都要大半个钟，好彩呢间嘢过金色袋都算系几保温所以返到去都仲系热嘅！💓💓最令我意外嘅系我另一半差唔多系隔咗三个几钟先返到嚟啲鸡都竟然仲系脆嘅！🐔韩国有骨炸鸡我拣咗呢个芝士味系有少少甜甜地，但真系超好食外面炸得好够干身，入面都好有肉汁，佢哋嘅炸鸡裹粉都几特别，唔会索晒啲肉汁淋pp，呢种炸鸡系完全唔需要点任何酱汁已经好好食，我叫咗一只只系180几蚊，韩国炸鸡嚟讲真系水准发挥！🍢烤猪肉紫菜包饭有别于一般嘅紫菜包饭，呢度嘅韩式紫菜包饭系有味嘅！唔会令到你觉得佢好淡口，佢𠮶种味道系令到我哋全家食都觉得好惹味，食完一嚿又一嚿！会有一种“早知买多一条啦嘅感觉”😂😂😂🍛烤猪肉拌饭呢度嘅烤猪肉拌饭材料除咗有冬菇丝青瓜丝红萝卜丝等等嘅配料之外，佢嘅烤猪肉份量超级足够！同埋佢成本其实都好大份，基本上一碗已经够晒两个人食！同样都系唔需要加过多嘅酱汁，佢本身天然嘅蔬菜已经好足够味道💓呢次食嘅炸
早几日见到葵芳超多人食𠮶间韩国人做ge K chef story原来已经进驻沙田！
跟住我就即刻打畀屋企人问下佢哋愿唔愿意同我呢个炸鸡狂人今晚又食炸鸡！
由于我系住喺马鞍山嘅关系其实喺沙田搭巴士返去差唔多都要大半个钟，好彩呢间嘢过金色袋都算系几保温所以返到去都仲系热嘅！💓💓
最令我意外嘅系我另一半差唔多系隔咗三个几钟先返到嚟啲鸡都竟然仲系脆嘅！
🐔韩国有骨炸鸡
我拣咗呢个芝士味系有少少甜甜地，
但真系超好食外面炸得好够干身，入面都好有肉汁，佢哋嘅炸鸡裹粉都几特别，唔会索晒啲肉汁淋pp，呢种炸鸡系完全唔需要点任何酱汁已经好好食，我叫咗一只只系180几蚊，韩国炸鸡嚟讲真系水准发挥！
🍢烤猪肉紫菜包饭
有别于一般嘅紫菜包饭，呢度嘅韩式紫菜包饭系有味嘅！唔会令到你觉得佢好淡口，佢𠮶种味道系令到我哋全家食都觉得好惹味，食完一嚿又一嚿！
会有一种“早知买多一条啦嘅感觉”😂😂😂
🍛烤猪肉拌饭
呢度嘅烤猪肉拌饭材料除咗有冬菇丝青瓜丝红萝卜丝等等嘅配料之外，佢嘅烤猪肉份量超级足够！
同埋佢成本其实都好大份，基本上一碗已经够晒两个人食！
同样都系唔需要加过多嘅酱汁，佢本身天然嘅蔬菜已经好足够味道💓
呢次食嘅炸鸡全家都大赞，表示可以encore❤️
张贴
