影片
更多
2020-01-16
80 浏览
难得收工放早， 可以轻轻松松去食好西 ，可以慢慢享受一下咁，就梗系食日本菜啦。嚟到尖沙咀天文台道嘅呢一间花木， 质素不嬲都好高， 而且食物好多选择 ，净系谂食乜都好头痛， 好彩原来有 set可以按人数选择 。今次就嗌呢一款二人前，两个人都只系$1288，前菜到甜品一应俱全。前菜系酒盗芝士、日本泽蟹、 同埋芥末章鱼， 蟹仔炸得好q好可爱， 有少少唔忍心食佢，不过食落又几香口；芥末章鱼，味道辛辣，有少少刺激，但都几开胃；酒盗芝士味道香浓，好啱送酒。黄菊油扬菠菜沙律，菠菜新鲜清爽，捞埋芝麻酱酸酸甜甜，味道清新。刺身卖相够晒吸引诱，有牡丹虾、平政鱼、深海池鱼、中拖罗， 尤其系我最爱嘅牡丹虾非常鲜甜，男朋友就比较钟意中拖罗，因为味道好浓好香。不得不提海胆寿司同埋吞拿鱼腩寿司， 海胆鲜甜creamy， 入口即溶，吞拿鱼腩够晒肥美，带少少筋，好有口感。热食方面都唔错， 串烧盛盒有好多款， 首推牛肉露笋卷同埋黑豚肉，非常juicy，爆晒汁 ，大葱都好香好甜， 鸡翼外皮烧得好香脆。至于冲绳一口炸鸡，炸粉好薄，鸡肉嫩滑香脆，加上椒盐同蛋黄酱，真系好惹味。安格斯肉眼扒嘅牛味好香，但唔会太肥 ，生熟程度适中，
嚟到尖沙咀天文台道嘅呢一间花木， 质素不嬲都好高， 而且食物好多选择 ，净系谂食乜都好头痛， 好彩原来有 set可以按人数选择 。
今次就嗌呢一款二人前，两个人都只系$1288，前菜到甜品一应俱全。
前菜系酒盗芝士、日本泽蟹、 同埋芥末章鱼， 蟹仔炸得好q好可爱， 有少少唔忍心食佢，不过食落又几香口；芥末章鱼，味道辛辣，有少少刺激，但都几开胃；酒盗芝士味道香浓，好啱送酒。
黄菊油扬菠菜沙律，菠菜新鲜清爽，捞埋芝麻酱酸酸甜甜，味道清新。
刺身卖相够晒吸引诱，有牡丹虾、平政鱼、深海池鱼、中拖罗， 尤其系我最爱嘅牡丹虾非常鲜甜，男朋友就比较钟意中拖罗，因为味道好浓好香。
不得不提海胆寿司同埋吞拿鱼腩寿司， 海胆鲜甜creamy， 入口即溶，吞拿鱼腩够晒肥美，带少少筋，好有口感。
热食方面都唔错， 串烧盛盒有好多款， 首推牛肉露笋卷同埋黑豚肉，非常juicy，爆晒汁 ，大葱都好香好甜， 鸡翼外皮烧得好香脆。
至于冲绳一口炸鸡，炸粉好薄，鸡肉嫩滑香脆，加上椒盐同蛋黄酱，真系好惹味。
安格斯肉眼扒嘅牛味好香，但唔会太肥 ，生熟程度适中，肉质带粉红， 仲可以夹埋脆卜卜嘅蒜片食， 食落更加香口。
最后仲有布甸同水信玄饼做甜品，布甸非常香滑，食得相当满足。
张贴
