漁正居酒屋

营业中

休息中

收工好攰，约左朋友去居酒屋饮番杯。呢间餐厅既环境气氛同日本地道既居酒屋都几似，令人好放松，可以放心倾计同食餐饱。日本枝豆入口暖暖地，上面晒左少少盐，最啱同朋友一路吹水一路食。北寄贝好大件北寄贝！肉质好肥美，食落味道甘甜𩽾𩾌鱼肝口感比较厚实，味道好浓郁豚肉生姜烧好惹味既小菜，豚肉好软腍，切丝既洋葱亦好入味。清酒煮蚬蚬肉几大只而且一啲沙都无，连埋清酒一齐煮，清甜无比。串烧（一口蕃薯、烧鹌鹑蛋、鸡软骨、柚子盐烧白鳝）最正既盐烧白鳝，鱼皮烧至香脆，鱼肉亦带点油脂，味道香浓。鹌鹑蛋烧到裂开，见到少少蛋黄，上面淋上烧汁，味道唔错。鸡软骨呈金黄色，好爽脆。蒲烧鳗鱼上面加左芝麻同酱汁，鳗鱼肉质鲜嫩，食落咸中带甜苹果汁冰冻既苹果汁香甜浓郁，而且几大杯。Suntory啤酒饮番杯冰凉清爽既啤酒，配埋以上既小菜及串烧，真系一流。