影片
更多
2016-06-23
1090 浏览
好多人放工都钟意去happy hour放松一下，不过我自己就唔饮酒嘅，但其实都几钟意同朋友饮嘢吹水嘅感觉。今次呢个地方好特别，系一间酒吧食嘅餐厅，入边好多唔同款式嘅酒，可以同朋友摸下杯底之余，佢嘅食物质素仲好好！啱晒我呢啲零酒精嘅朋友。店入面有酒吧式嘅open kitchenMenu上面嘅食物贵精不贵多，但已足够三五知己一齐一饱口福。除咗餐厅基本有嘅食物之外，仲有提供海鲜拼盘！比起出面嘅餐厅一啲都唔贵！心大心细之后我哋都系点咗几款小食，希望第一次试得多啲。首先上咗第一款小食北海道炸芝士。外面有少少脆米炸得好香口，入边嘅芝士系软身芝士，食落有少少奶味好软好香。食到少少蟹籽，两重口感！之后黎左素菜蟹肉春卷，春卷炸得一啲都唔油，入面嘅蟹肉好多好鲜味，捞埋少少菜感觉轻盈。食完一条原味之后，另一条我点上旁边嘅辣酱，辣味慢慢渗出，好刺激。听闻啲一度嘅海鲜好有保证，果然带子刺身好鲜甜，混左少少橄榄油，食落口份外的滑，加少少沙津菜食感觉好fresh！然后到主角龙虾包出场！估唔到有咁大个！面包超级松软，好香牛油味，烘得外脆内软。中间夹住成只龙虾嘅份量，龙虾肉结实弹牙，好鲜味！好惊喜嘅系配菜薯条都好好食，
今次呢个地方好特别，系一间酒吧食嘅餐厅，入边好多唔同款式嘅酒，可以同朋友摸下杯底之余，佢嘅食物质素仲好好！啱晒我呢啲零酒精嘅朋友。
店入面有酒吧式嘅open kitchen
Menu上面嘅食物贵精不贵多，但已足够三五知己一齐一饱口福。
除咗餐厅基本有嘅食物之外，仲有提供海鲜拼盘！比起出面嘅餐厅一啲都唔贵！
心大心细之后我哋都系点咗几款小食，希望第一次试得多啲。首先上咗第一款小食北海道炸芝士。
外面有少少脆米炸得好香口，入边嘅芝士系软身芝士，食落有少少奶味好软好香。食到少少蟹籽，两重口感！
之后黎左素菜蟹肉春卷，春卷炸得一啲都唔油，入面嘅蟹肉好多好鲜味，捞埋少少菜感觉轻盈。食完一条原味之后，另一条我点上旁边嘅辣酱，辣味慢慢渗出，好刺激。
听闻啲一度嘅海鲜好有保证，果然带子刺身好鲜甜，混左少少橄榄油，食落口份外的滑，加少少沙津菜食感觉好fresh！
然后到主角龙虾包出场！估唔到有咁大个！面包超级松软，好香牛油味，烘得外脆内软。中间夹住成只龙虾嘅份量，龙虾肉结实弹牙，好鲜味！好惊喜嘅系配菜薯条都好好食，炸好香脆。最重要系陪埋旁边嘅黑松露酱，超match!
侧边就可以清楚睇到有几多龙虾肉，面包几咁松！
最后上嘅柠茶都好有惊喜，茶味香浓，柠檬味突出，个杯亦好靓，令成件事锦上添花！
估唔到一个头盘两个小食加一个主菜都已经食到咁饱！环境气氛都好好，食物质素亦惊喜！希云街真系卧虎藏龙嘅地方。
张贴
