影片
更多
2016-12-13
4085 浏览
今日朋友生日，话要食生蚝庆祝下，经朋友介绍呢间比较抵食既餐厅俾我地。环境都几舒适，价钱都合理，可惜我呢排要戎口，唔食得蟹同牛肉，唔系可以试埋佢地个海鲜拼盘同和牛套餐，而家做紧特别优惠，真系好吸引。法国黑珍珠Black Pearl No.1 $29/1只：蚝肉肥美，有浓郁既海水咸鲜味，口感鲜甜爽口，裙边和蚝身爽滑弹牙，回味甘甜，个人最喜欢既一款蚝。法国玛皇蚝Majestic No.1 $29/1只：蚝身不算大，但同样肉质肥美，入口有微微既海水味，口感细腻有层次，带子位都好鲜甜，唔错。南非Gigas Oyster(L) $29/1只：蚝身系最大既一只，蚝肉好肥大饱满，入口无咩海水味，但就好creamy，口感十足，朋友最喜欢这款。意大利芝士火腿拼盘 $128:份量都几多，火腿应该有2款，一款系火腿，一款系肉肠，2款都好咸香，配上芝士，真系一道送酒必叫既菜。小食拼盘 $198:有薯条，鸡翼，炸芝士，带子，手指鱼。炸芝士一咬开虽然无拉丝效果，但超浓香芝士味带子炸后都好嫩口，手指鱼同薯条就普通，反而鸡翼做得好出色，炸到香脆可口，肉质嫩滑，外层仲有芝麻，配埋泰式辣酱，真系不得了。另外仲叫左杯Kron
今日朋友生日，话要食生蚝庆祝下，经朋友介绍呢间比较抵食既餐厅俾我地。环境都几舒适，价钱都合理，可惜我呢排要戎口，唔食得蟹同牛肉，唔系可以试埋佢地个海鲜拼盘同和牛套餐，而家做紧特别优惠，真系好吸引。
法国黑珍珠Black Pearl No.1 $29/1只：蚝肉肥美，有浓郁既海水咸鲜味，口感鲜甜爽口，裙边和蚝身爽滑弹牙，回味甘甜，个人最喜欢既一款蚝。法国玛皇蚝Majestic No.1 $29/1只：蚝身不算大，但同样肉质肥美，入口有微微既海水味，口感细腻有层次，带子位都好鲜甜，唔错。
南非Gigas Oyster(L) $29/1只：蚝身系最大既一只，蚝肉好肥大饱满，入口无咩海水味，但就好creamy，口感十足，朋友最喜欢这款。
意大利芝士火腿拼盘 $128:份量都几多，火腿应该有2款，一款系火腿，一款系肉肠，2款都好咸香，配上芝士，真系一道送酒必叫既菜。
小食拼盘 $198:有薯条，鸡翼，炸芝士，带子，手指鱼。
炸芝士一咬开虽然无拉丝效果，但超浓香芝士味
带子炸后都好嫩口，手指鱼同薯条就普通，反而鸡翼做得好出色，炸到香脆可口，肉质嫩滑，外层仲有芝麻，配埋泰式辣酱，真系不得了。
另外仲叫左杯Kronenbourg Blanc 1664 Draught$68: 一杯500ml，两个人都够饮，味道清淡带香，口感清爽，配酥炸小食最夹。
张贴
