影片
更多
2024-06-17
52 浏览
放工约咗朋友喺SOHO区食饭，路过发现呢间日式居酒屋气氛唔错，就入去试试。原来呢间居酒屋系新开的。餐厅座位唔多，座位主要系围住吧枱，可以观察大厨制作食物既过程。餐厅播住轻快音乐，气氛唔错见到有sake promotion, $188 （女）/258（男） 有sakefree flow，我地就叫左试试！Sake 质素有惊喜，好易入口，连我平时少饮酒的朋友都话正！叫左一堆串烧：鱼干、鸡皮、鸡软骨、鸡肝、鸡尾、秋葵、翠肉瓜、白鳝、牛脷心 串烧每款都烧得恰到好处，系过往食过的串烧舖黎讲比较高质嘅。比较惊喜系烧鸡尾。我见menu 上有烧鸡尾，原本唔知系咩黎，老板解释原来系鸡屁股。抱著姑且一试的心态，叫左一串黎试下。鸡尾的表面烤得香脆，而内里腍软软又有d弹力，食落完全无骚味。边食鸡尾，再来一啖清酒，真系人生一大乐事！另外系烧牛脷心，牛脷系厚切的，口感一流，表面烤得香口，而中间保留倒肉汁，牛脷上面加左少少香葱增加香味。另外烧白鳝都非常厚肉同弹牙，非常好味！另外叫左份兰王蛋黄配免治鸡肉棒，无谂过免治鸡肉串点蛋浆嚟食原来系咁夹！蛋浆增加咗免治鸡肉串嘅口感，食起上嚟更加嫩滑。最后点左份烟三文鱼蛋饭团。饭团
原来呢间居酒屋系新开的。餐厅座位唔多，座位主要系围住吧枱，可以观察大厨制作食物既过程。餐厅播住轻快音乐，气氛唔错
见到有sake promotion, $188 （女）/258（男） 有sake
free flow，我地就叫左试试！Sake 质素有惊喜，好易入口，连我平时少饮酒的朋友都话正！
叫左一堆串烧：
鱼干、鸡皮、鸡软骨、鸡肝、鸡尾、秋葵、翠肉瓜、白鳝、牛脷心
串烧每款都烧得恰到好处，系过往食过的串烧舖黎讲比较高质嘅。
比较惊喜系烧鸡尾。我见menu 上有烧鸡尾，原本唔知系咩黎，老板解释原来系鸡屁股。抱著姑且一试的心态，叫左一串黎试下。
鸡尾的表面烤得香脆，而内里腍软软又有d弹力，食落完全无骚味。边食鸡尾，再来一啖清酒，真系人生一大乐事！
另外系烧牛脷心，牛脷系厚切的，口感一流，表面烤得香口，而中间保留倒肉汁，牛脷上面加左少少香葱增加香味。另外烧白鳝都非常厚肉同弹牙，非常好味！
另外叫左份兰王蛋黄配免治鸡肉棒，无谂过免治鸡肉串点蛋浆嚟食原来系咁夹！蛋浆增加咗免治鸡肉串嘅口感，食起上嚟更加嫩滑。
最后点左份烟三文鱼蛋饭团。饭团系经过慢火烧过的，表面有少少饭焦嘅焦香。饭条上面有烟三文鱼同紫菜，上菜时职员建议将饭团整散，再与烟三文鱼、紫菜捞匀。饭焦的焦香，加上烟三文鱼的烟熏味，同埋紫菜的香味，味道丰富有层次，简直系味蕾的盛宴！
全晚同朋友一路倾计一路食串烧、饮住Sake，听住音乐，好relax 的一晚。以中环区嚟讲串烧嘅价钱唔贵，性价比可算是高，值得推荐！
张贴
