屋子 (已結業)

放工後約咗朋友去tea下。朋友推介咗屋子。於是就試下啦。嚟到之後發現環境好好呀，枱同枱之間好闊落，最緊要係冷氣够涷，啱曬啲啲咁熱嘅天氣嚟避暑😝。佢主要都係類似日式嘅鋪頭。因為食tea，我哋都係諗住食啲light啲。我哋決定一人一件蛋糕再加杯茶。草莓純白卷蛋草莓焙茶戚風白桃烏龍茶粉紅玫瑰紅茶兩件蛋糕都好啱我口味喎。草莓純白卷蛋嘅cream好滑溜又唔會膩，再加埋酸甜酸甜嘅士多啤梨同埋藍莓乳酪，真食多件都冇問題。草莓焙茶戚風面頭有類似奶蓋，佢嘅質地唔太濃稠，好輕盈嘅感覺，佢嘅味唔太濃可以食出蛋糕淡淡嘅焙茶味。如果仲鐘茶味濃嘅話可能覺得茶味淡咗啲。呢度冇限時，可以同朋友食下tea,嘆下茶同蛋糕🍰真係唔錯👍🏻行開嚟南澳呢邊可以試下