波仔

营业中

休息中

一向都觉得波仔嘅即食食物唔错，好适合放工收得好夜、唔得闲煮野食嘅打工仔！花生酱西多士最意想不到嘅系，叮热之后，多士仍然系外脆内软，夹上醇厚顺口的花生酱，微脆嘅面包香脆十足！波仔鱼籽烧卖鱼籽烧卖劲大粒~！！！烧卖皮好薄，内馅饱满鲜美，猪肉馅劲正，香气扩散不停。 瑶柱冬瓜盅汤夏天最适合梗系食冬瓜盅，冬瓜带少许凉意，味道清新，里面其他汤料例如虾米、冬菇粒、猪肉粒都让人一啖接一啖！南乳花生焖猪手南乳与花生焖出的酱料浓郁顺口，猪手口感软糯，捞饭一流。 香辣猪肉炒河平时好怕河粉叮完会好淋，结果竟然仲好弹牙！猪肉有好多片，一定够食，配埋香辣酱料真系令人口水直流！