影片
更多
2021-06-10
78 浏览
讲到每日最开心嘅时刻，又点少得搭正6点准时放工呢！放工之后就梗系要揾间好味嘅餐厅，同M佬享受繁忙工作后嘅二人时光啦！喺公司附近嘅Flames就系一个唔错嘅选择，餐厅主打烤鸡，虽然Flames只有户外位置，但食物质素高，值得推介。蒜香虾球小食叫咗蒜香虾球，虾球分量超多，全部预先剥壳，食嘅时候非常方便。虾肉色泽红润，新鲜弹牙，而味道蒜香味浓郁，加上香草，好有层次。炭烧香草鸡酿面包糠（半只）Flames嘅招牌当然系烤鸡！呢度嘅烤鸡有两款口味，今日就叫咗炭烧香草鸡酿面包糠。半只鸡斩半上枱，分为上身同下身。鸡皮烤到香脆，而鸡肉仍然嫩滑juicy。鸡肉以简单嘅香草酿制，带有微微嘅焦香味，点埋烧汁一齐食，味道非常丰富。至于配菜嘅薯条都唔简单，分量非常多，而且预先加入店家秘制嘅调味盐，薯条非常香脆，咸咸地非常惹味，连茄汁都唔使落。10安士肉眼扒配薯条平时嚟呢度，通常同M佬一人半只鸡，但佢今日话想试吓呢度嘅牛扒，估唔到除咗鸡之外，牛扒都好有惊喜。五成熟嘅肉眼，生熟到啱啱好，牛扒只系简单用盐同黑椒调味，更突显牛肉嘅肉汁，牛味浓烈而肉质软腍，如果想味道提升，可以落埋旁边嘅黑椒汁。至于配料同样有店家秘制嘅薯条
蒜香虾球
小食叫咗蒜香虾球，虾球分量超多，全部预先剥壳，食嘅时候非常方便。虾肉色泽红润，新鲜弹牙，而味道蒜香味浓郁，加上香草，好有层次。
炭烧香草鸡酿面包糠（半只）
Flames嘅招牌当然系烤鸡！呢度嘅烤鸡有两款口味，今日就叫咗炭烧香草鸡酿面包糠。半只鸡斩半上枱，分为上身同下身。鸡皮烤到香脆，而鸡肉仍然嫩滑juicy。鸡肉以简单嘅香草酿制，带有微微嘅焦香味，点埋烧汁一齐食，味道非常丰富。至于配菜嘅薯条都唔简单，分量非常多，而且预先加入店家秘制嘅调味盐，薯条非常香脆，咸咸地非常惹味，连茄汁都唔使落。
10安士肉眼扒配薯条
平时嚟呢度，通常同M佬一人半只鸡，但佢今日话想试吓呢度嘅牛扒，估唔到除咗鸡之外，牛扒都好有惊喜。五成熟嘅肉眼，生熟到啱啱好，牛扒只系简单用盐同黑椒调味，更突显牛肉嘅肉汁，牛味浓烈而肉质软腍，如果想味道提升，可以落埋旁边嘅黑椒汁。至于配料同样有店家秘制嘅薯条，够晒丰富。
Lychee Tea，Peach Tea
饮品方面，我哋叫咗荔枝茶同蜜桃茶，简简单单，够清新而茶味香浓，夏天饮相当唔错。
张贴
