影片
更多
2020-05-23
93 浏览
NOCNOC系一间酒吧嘅格局 成日行过都见到有人食烟饮酒吹水 今次嚟食晚餐系见到餐牌好吸引 就决定give it a try!Waitress 就推介我地叫chef special 但讲真 我同男朋友都唔算大食 所以就宁愿叫唔同野 食 试多啲！1. 黑松露香草卡邦尼蘑菇意粉本身都惊黑松露好重 食落个口感好抢 不过卡邦尼个酱汁好够 个酱汁食落有淡淡的蛋黄味 我谂呢个酱汁系根据传统食谱再modify 嘅 因为卡邦尼个酱汁其实系需要蛋黄帮助嘅 酱汁口感杰身 唔系水质 意粉最重要就系酱汁 材料方面 正如相片睇到嘅 蘑菇非常够 基本上系你每食一啖一定会食到菇2. Steak我最钟意就系牛扒！值得一提嘅就系牛扒嘅配菜全部都系有焗过 唔似出边𠮶啲俾啲冻冰冰嘅你 所以我最后都有食晒啲配菜 好食外面脆卜卜入边软林林！至于牛扒 我哋叫咗五成熟 咬落去肉质都挺身烟韧 唔系啲一攞入口就烂晒嘅劣质肉！我哋叫咗薯条配牛扒 薯条冇咩特别 因为够热够脆就为之好食！NOCNOC都做到小食方面 我哋嗌左呢个鸡翼拼盘 不得不提一下佢𠮶个水牛城鸡翼 少少辣 但你自己辣到你要饮水 而脆皮鸡翼嘅皮炸得啱啱好 唔会一食落去就食到粉
Waitress 就推介我地叫chef special 但讲真 我同男朋友都唔算大食 所以就宁愿叫唔同野 食 试多啲！
1. 黑松露香草卡邦尼蘑菇意粉
本身都惊黑松露好重 食落个口感好抢 不过卡邦尼个酱汁好够 个酱汁食落有淡淡的蛋黄味 我谂呢个酱汁系根据传统食谱再modify 嘅 因为卡邦尼个酱汁其实系需要蛋黄帮助嘅 酱汁口感杰身 唔系水质 意粉最重要就系酱汁 材料方面 正如相片睇到嘅 蘑菇非常够 基本上系你每食一啖一定会食到菇
2. Steak
我最钟意就系牛扒！值得一提嘅就系牛扒嘅配菜全部都系有焗过 唔似出边𠮶啲俾啲冻冰冰嘅你 所以我最后都有食晒啲配菜 好食外面脆卜卜入边软林林！至于牛扒 我哋叫咗五成熟 咬落去肉质都挺身烟韧 唔系啲一攞入口就烂晒嘅劣质肉！
我哋叫咗薯条配牛扒 薯条冇咩特别 因为够热够脆就为之好食！NOCNOC都做到
小食方面 我哋嗌左呢个鸡翼拼盘 不得不提一下佢𠮶个水牛城鸡翼 少少辣 但你自己辣到你要饮水 而脆皮鸡翼嘅皮炸得啱啱好 唔会一食落去就食到粉质咁两个人食一个鸡翼拼盘其实都好足够好饱！
最后点少得嘢饮 叫咗sangria 要知道一间酒吧啲酒有冇伏 叫啲最basic嘅就知道了 sangria 入口重果味 系吞咗落肚先有返酒精嘅味留喺个口度徘徊
你问我贵唔贵 呢个价钱好主观 不过NOCNOC系值嘅 起码我会回头
如果呢间餐厅开喺九龙 我谂就会贵多20%
强烈建议情侣嘅呢到食 起码环境静 可以倾下计 最重要系食物质素高
张贴
