鶴崎居酒屋 (已結業)

同同事放工近近地黎放空一下心情，呃下自己食左当旅行。呢度环境同服务真系唔错，绝对可以讲系几享受。崎刺身盛合二人前（海胆、带子、吞拿鱼、油甘鱼、赤贝、拖罗、牡丹虾、三文鱼子等等）上寿司盛合，唔洗去日本，绝对高质，刺身盛二人份量呢盘算性价比几高，卖相正又鲜美，多款又多高质刺身类。露荀猪肉卷，串烧质素高，入口唔会油腻， 因为油香肉香嘅薄薄豚肉里面系幼嫩露荀，正！蒜烧广岛蚝爆多蒜，蚝肉大大只好有满足感。鹿儿岛甘薯豚肉锅加乌冬，配料多，豚肉片到好薄肉味浓，好香猪骨汤底，配上滑滑乌冬，好味又饱肚。北海道刺身丼多饭（吞拿鱼蓉、三文鱼子、雪场蟹、带子、油甘鱼等等），同刺身盛一样新鲜，惊唔饱我仲可以拣多饭，掂！