影片
更多
2015-10-06
512 浏览
今日约左几个朋友，又难得早收工，就去左好方便嘅西九龙中心到觅食。听到咁岩有朋友未黎过呢度，更为呢一次饭局堵添左唔少趣事。Café Dream嘅位置都算好揾，一上去7楼直入苹果商场就会见到。一到埗，就会望到一块大大嘅黑板写著老板精心预备嘅美食。因为朋友细食，野食叫得唔多，但系有一上台发觉份量都几足，对得住价钱。大家主要都系想聚下，所以只系叫左几款野食。每款都唔错，第一样送黎嘅系奄列早餐，有一份大奄列、薯饼、牛角包同同埋比较健康嘅蘑姑、茄汁豆同沙律菜。食落就中规中举，不过最令我惊喜嘅系份奄列，食得出有两种口感，外层就比较挺身，但系入面食落十分绵滑，入口即溶，好似食紧CREAM咁，好特别。另一份上场嘅系呢度其中一样特色小食，BBQ鸡翼，一定要配个酱黎食，可惜今次鸡翼有少少唔够入味，期待下一次光临可以食到改进版!!因为都有男仔朋友，我地都有叫左个意粉，系黑板上面嘅蟹肉芝士忌廉意粉，卖相唔错，自己又系一个意粉怪，所以都食左唔少，蟹肉都几足，可以一啖意粉一啖肉。有女士，点会少得甜品呢，成个窝夫抬上黎𠮶阵，即刻觉得好邪恶。朱古力酱呀、CREAM呀、雪糕呀，未食就先饱眼福。窝夫身少少偏软令到食落去嘅口
Café Dream嘅位置都算好揾，一上去7楼直入苹果商场就会见到。一到埗，就会望到一块大大嘅黑板写著老板精心预备嘅美食。因为朋友细食，野食叫得唔多，但系有一上台发觉份量都几足，对得住价钱。
大家主要都系想聚下，所以只系叫左几款野食。每款都唔错，第一样送黎嘅系奄列早餐，有一份大奄列、薯饼、牛角包同同埋比较健康嘅蘑姑、茄汁豆同沙律菜。食落就中规中举，不过最令我惊喜嘅系份奄列，食得出有两种口感，外层就比较挺身，但系入面食落十分绵滑，入口即溶，好似食紧CREAM咁，好特别。
另一份上场嘅系呢度其中一样特色小食，BBQ鸡翼，一定要配个酱黎食，可惜今次鸡翼有少少唔够入味，期待下一次光临可以食到改进版!!因为都有男仔朋友，我地都有叫左个意粉，系黑板上面嘅蟹肉芝士忌廉意粉，卖相唔错，自己又系一个意粉怪，所以都食左唔少，蟹肉都几足，可以一啖意粉一啖肉。
有女士，点会少得甜品呢，成个窝夫抬上黎𠮶阵，即刻觉得好邪恶。朱古力酱呀、CREAM呀、雪糕呀，未食就先饱眼福。窝夫身少少偏软令到食落去嘅口感系幸福指数满满呀。
最后，自己就叫多一杯京都焙茶鲜奶，主要自己系都几中意饮茶，觉得几得意。忍唔到手就试一试。整体茶奶比例都唔错，茶味就比较浓，中晒我口味。
后记:Café 位处商场入面，环境比较小巧，但有老板主动嘅招待加上一路LOOP住唔少辟熟能详嘅英文歌，令我想再去会一会其他野食。
张贴
