Manecy's Studio Restaurant (已結業)

今日约咗旧同事食好西，朋友拣咗系铜锣湾食德国菜。由于我好钟意食TAPAS同SALAD，所以叫左2碟。头盘食咗个西班牙黑毛猪火腿配蜜瓜，餐牌讲明系24个月嘅黑毛猪。小妹就食唔出几多个月，不过都好好食，蜜瓜几甜D黑毛猪又好入味！正！最钟意系鲜虾配牛油果酱多士，牛油果落得足，加埋只虾同多士香口又好食。主菜叫咗炭烧烟熏美国猪肋骨同美国顶级牛肩胛扒朋友一个人食晒成个猪肋骨，睇落分量都好足。我就食咗牛肩胛扒。配菜几好食，尤其果个茄子！薯角都几脆！第一次食牛肩胛扒，都几好食，几有咬劲同肉汁。叫左5成熟，亦都煮得啱啱好，最怕OVERCOOK。由于朋友食得太饱无食甜品就走，OVERALL觉得平日夜晚去都唔错，地方唔太逼而且仲好有MOOD倾计。