泰潮 (嘉咸街) (已結業)

轮到我去接老婆放工喇，去左间中环嘅泰国菜茶仔，我间唔中去公司总部开会都会食下。至于个环境就一般泰式餐厅咁。我同老婆一人食左一个晚餐，佢食海南鸡，我食青咖哩牛腩。首先就一人一碗胡椒汤，个汤都几浓胡椒味，但都唔会太过辣。个串烧就普普通通，唔会太干，但都香口。我就食青咖哩牛腩，个咖哩好香，而且椰汁味都几浓下，送饭好好。老婆就食海南鸡，好好食。佢个鸡皮好滑肉嫩，而且都有D鸡味，真系好好食。至于个鸡饭都几香。个鸡酱就普普通通，反而个青瓜沙律就有D惊喜，好新鲜爽脆。我就饮龙眼冰，几清新，D龙眼都几甜，用黎送咖哩一流。最后个椰汁糕就好有惊喜，唔系好甜，但好重椰汁味，超好食。