元氣一杯

营业中

休息中

放工后同朋友一聚，朋友拣咗食日本野，因为大家都唔太肚饿，只系叫咗一份主菜，一份卷物同两个小食。侍应会问你叫唔叫酒精饮品，因为如果唔叫酒精饮品嘅客人，会送汽水一杯，不过我就同朋友叫咗酒饮吓倾吓计。坐低就会有一人一份前菜，系沙律通粉卷物：吞拿鱼加州卷上菜时估唔到咁大份，唔系Menu影出嚟嘅份量，食嘅时候食唔到吞拿鱼嘅味道，夹起会散，味道普通。主菜：豚肉生姜烧不太多姜味，份量正常，有大量沙律菜伴碟小食：茶碗蒸&鳗鱼玉子烧对茶碗蒸情有独钟，去亲食日本野都会叫蒸蛋要滑系基本，不过佢蒸前冇整走哂d气泡，卖相就冇咁靓...味道正常鳗鱼玉子烧：份量都系大份嘅...但唔系太食到鳗鱼味，同朋友食咗一半就已经食唔落.总结嚟讲...觉得餐厅食物少咗日本菜个种精致，亦可能咁啱我冇点到寿司刺身先觉得食物普通。环境方面因为book咗枱，唔使去到再等位，而且有限聚令，座位相隔得开，每张餐枱旁都有纸牌隔住，两个人食饭非常好，唔怕有人系隔离听到。