囍 (已結業)

原本打算约友人去apm食饭，但放工时实在太多人，友人提议去工厂区𠮶边打边炉，唔驶等位，又坐得舒舒服服，我当然话好啦! 去到餐厅，竟然都有8，9成满，好彩 walk in 都有位。火锅放题拣咗B餐$138，贪佢猪牛鸡都可以无限添加，汤底要咗黄金鸡木瓜椰子汤，其他食物都系自助，酱料嘅选择非常多，连蒜苗粒，贵州干妈酱都有。但饮品，食物嘅种类都系大路嘢，唔算特别，雪糕似人工合成味道，仲夹杂冰碎，唔得。汤底唔系好食得出椰子味，黄金鸡反而有惊喜，见佢似系普通鸡件，食落先知佢腌得好入味，几好食，但味精就落得重手咗少少，食完有啲口渴。另外，猪肉系普通货色，无咩味，牛肉中央同边位有啲黑色，我哋都唔敢食，所以猪牛鸡我哋无再追加，早知叫A餐都够食，仲要平啲。虽然门口写明用餐时间系90分钟，可能系平日关系，我哋坐咗2个钟都无人催我哋走，而且店员会主动换碟，值得一赞。