Joe's Billiards & Bar

营业中

休息中

疫情关系，真系好耐无去过酒吧饮野倾计，今次终于去到一间尖沙咀上楼bar轻松一下，真系几开心，而且估唔到佢既野食仲要几正。因为饮野关系，我地叫既野食都系送酒小食，不外乎都系煎炸野。依间酒吧煎炸野都几出色，可惜挂住食无影到薯条🤣。佢既薯条好好食，炸得刚刚好，唔会太厚粉，外脆，内香软，啖啖香口薯仔肉，普普通通点下茄汁都已经好足够。炸鸡配薯条本身对依个小食无乜期望，谂住都系普通又干又鞋口既炸鸡肉，始终酒吧都唔系食野为主，但佢个炸鸡都做得几好，炸完都保持到肉汁，唔系炸定再翻炸既街边小食层次，我地一共叫左两盘依款炸粒薯条，所以都想推介大家试试。👍🏻同埋依间酒吧最特别系有枱波打，虽然我唔识打，但几个朋友一齐玩一个钟都几开心，而且无记错都唔太贵，好似百几蚊一个钟，尖沙咀黎讲都算系咁。👍🏻Overall黎讲间吧都算唔错，价钱都合理，唯一唔系好当晚食物选择比较少，可能因为疫情，厨师都唔洗番工，希望可以早日回复正常。