影片
更多
2022-08-08
54 浏览
Pre-friday当然要揾个地方啤啤佢chill chill佢！位于深水埗嘅回忆客栈，入面就有好多唔同嘅酒俾大家选择，烈又得唔烈又得，仲有好味串烧食，系俾大家放工倾下计relax下嘅好地方！餐厅虽然座位唔多，但空间阔落，俾人一种好spacious嘅感觉！一入门口就已有劲大个酒柜，酒鬼嚟到一定好兴奋🤣落单方面，呢度采用全QR Code落单，方便企理，而且每样串烧都可以拣辣度同葱嘅份量，非常flexible!招牌花甲粉上菜时好窝心咁用锡纸包成一个容器形状，方便保温。花甲粉份量多，蚬肉肥大，炒丝嫩滑，唔会干到变一饼饼。人多你一啖我一啖食都几warm☺️烧猪腩肉、鸡软骨、司华力肠肉类方面，点咗以上呢三款、全部都系少辣。串烧孜然味好重，钟意嘅人一定会觉得好香！猪腩肉切成正方形的的骰骰嘅形状，好易咬开！而且佢嘅肥膏分布都好平均，赞！司华力肠同鸡软骨正常发挥，下次可以食中至大辣😝烧茄子、烧鸡扒两个都系份量多到吓亲人嘅烧物！茄子连头尾部份烧，系真原条上，而且佢头尾都烧到软淋淋，成条食哂冇问题！鸡扒肉质鲜嫩，而且唔会好油，做佐酒小食简直一流！烧翠肉瓜、菠萝、蒜蓉娃娃菜蔬菜类嘅串烧不外乎𠮶几样，都系啲瓜类
Pre-friday当然要揾个地方啤啤佢chill chill佢！位于深水埗嘅回忆客栈，入面就有好多唔同嘅酒俾大家选择，烈又得唔烈又得，仲有好味串烧食，系俾大家放工倾下计relax下嘅好地方！
餐厅虽然座位唔多，但空间阔落，俾人一种好spacious嘅感觉！一入门口就已有劲大个酒柜，酒鬼嚟到一定好兴奋🤣落单方面，呢度采用全QR Code落单，方便企理，而且每样串烧都可以拣辣度同葱嘅份量，非常flexible!
招牌花甲粉
上菜时好窝心咁用锡纸包成一个容器形状，方便保温。花甲粉份量多，蚬肉肥大，炒丝嫩滑，唔会干到变一饼饼。人多你一啖我一啖食都几warm☺️
烧猪腩肉、鸡软骨、司华力肠
肉类方面，点咗以上呢三款、全部都系少辣。串烧孜然味好重，钟意嘅人一定会觉得好香！猪腩肉切成正方形的的骰骰嘅形状，好易咬开！而且佢嘅肥膏分布都好平均，赞！司华力肠同鸡软骨正常发挥，下次可以食中至大辣😝
烧茄子、烧鸡扒
两个都系份量多到吓亲人嘅烧物！茄子连头尾部份烧，系真原条上，而且佢头尾都烧到软淋淋，成条食哂冇问题！鸡扒肉质鲜嫩，而且唔会好油，做佐酒小食简直一流！
烧翠肉瓜、菠萝、蒜蓉娃娃菜
蔬菜类嘅串烧不外乎𠮶几样，都系啲瓜类为主。欣赏佢嘅翠肉瓜面头有调㗎粉，令成个瓜唔会太寡。菠萝好甜，亦都唔会好多渣，绝对系encore之选！至于娃娃菜就系冇辣度拣，但蒜蓉嘅煮法都令成道菜十分香，想食清啲可以拣佢！
烧鲍鱼、牛油金针菇
海鲜类方面我哋净系拣咗鲍鱼仔。唔好睇佢细细旧，都几厚肉，而且面头有好多蒜蓉粒，食落口好香！至于金菇就正常质素，个人认为加少少黑椒落去会更惹味！
张贴
