道頓堀御好燒專門店 (康怡廣場) (已結業)

第一次食呢间野，我一行二人，叫左最贵个放题，$3xx，第一，一坐低就计时，侍应讲解完，再等佢拎张纸黎都无左15分钟，强调一够钟就要走！第二，我食得放题，仲要限时，所以我只会叫一转，除左虾同带子叫左10只之外，其他都系一份两份咁叫，猪肉都只系写左一块，第三，两个钟已经不停摌，好攰之余都食唔切，最后，食剩左椰菜红萝卜洋葱(当然唔会比成个你啦)，支豆，一只生鸡蛋，几条鱿鱼须，最后埋单先后有两位侍应同我地讲，下次唔好咁落单.....，第一个我答佢我第一次黎唔知佢地份量系点，第二个我即时答佢：放心啦，唔会有下次，以后都唔会再黎食㗎喇！全部唔系贵价野，食7百几蚊，比人系咁吹仲要话下次唔好咁咁咁，乜你觉得仲会有下次？Backlist左啦！