Black Sugar Coffee & Lifestyle

营业中

休息中

太平道系一个旺中带静既社区，交通方便又难得有个地方可以好舒适咁饮下咖啡，放空心情，所以食物质素过得去我已经收货。Black sugar coffee店内位置有十多个，而且布置骨子，真系可以坐喺入面工作温书放空两三个小时。店名有life style 既原因系店内有贩卖生活家品，有咖啡冲泡器具，有旅行用的东西，非常不错。我系叫店员推介有咩好食的，佢就话饿既就食egg benedits. 原本我都好疑惑，正常egg benedicts 好细份，点知一上台，真系大份过我块面面包系好大份既酵母面包，有质感唔会食完一阵风咁唔饱肚。上面铺一层烟三文鱼，再有两个egg benedit。份量足够大，滋味亦都唔错，切开个蛋，蛋浆可以覆盖整个面包，酱汁酸酸甜甜，食落开胃。虽然讲唔上精致同有几重口感，不过平常食个brunch 放空下系一流。呢到d咖啡都唔错，超多人take away , 点左杯Mocha 慢慢叹，咖啡个性唔强烈，口感顺滑，系收货既。