影片
更多
2021-04-21
261 浏览
自从生完bb，好耐都未试过出去觅食，好挂住美食呀。。。今日终于可以揾番𠮶种感觉，食好多好好味嘅嘢，最好嘅系又无拣错餐厅，完全可以大饱口福。今次就拣咗好耐都冇食过嘅流水虾，对上次去泰国食已经唔知系几时啦，但系香港嘅质素绝对同泰国可以相比，甚至系更加优胜。荃湾呢间分店大概有5000尺空间感十足而且环境好舒服，座位就有卡位又或者可以坐喺水缸房一路夹下一路食，今次我就拣咗坐喺水缸旁边可以玩住食。虾嘅新鲜度十足，爽口又大只，仲有我最钟意食嘅膏，而且数量一啲都唔小，想食几多有几多。除咗主角大头虾之外仲会有好多唔同嘅熟食，我哋首先讲吓头盘小食，会有泰国嘅必吃小食木瓜沙律同埋泰式嘅酸辣凤爪，食嘢之前先食呢两个小食会令个人更加开胃。另外仲会有啲炸物可以食，有春卷，虾片等等。钟意食油炸嘅人士千祈唔好错过。除咗烧大头虾之外仲有好多唔同嘅肉类可以烧例如猪扒，牛扒，鸡翼，串烧。值得一题嘅就有好多唔同嘅海鲜，例如扇贝，带子，圣子等等。真系目不暇给。净系食出边嘅自助食品其实已经食唔晒，但系餐厅仲好贴心咁会每人奉上一盒指定嘅刺身 ，如果唔够可以追加。另外仲会有带子鲍鱼拼盘一份。真系饱到郁唔到，非常满足呀！
自从生完bb，好耐都未试过出去觅食，好挂住美食呀。。。今日终于可以揾番𠮶种感觉，食好多好好味嘅嘢，最好嘅系又无拣错餐厅，完全可以大饱口福。
今次就拣咗好耐都冇食过嘅流水虾，对上次去泰国食已经唔知系几时啦，但系香港嘅质素绝对同泰国可以相比，甚至系更加优胜。
荃湾呢间分店大概有5000尺空间感十足而且环境好舒服，座位就有卡位又或者可以坐喺水缸房一路夹下一路食，今次我就拣咗坐喺水缸旁边可以玩住食。虾嘅新鲜度十足，爽口又大只，仲有我最钟意食嘅膏，而且数量一啲都唔小，想食几多有几多。
除咗主角大头虾之外仲会有好多唔同嘅熟食，我哋首先讲吓头盘小食，会有泰国嘅必吃小食木瓜沙律同埋泰式嘅酸辣凤爪，食嘢之前先食呢两个小食会令个人更加开胃。
另外仲会有啲炸物可以食，有春卷，虾片等等。钟意食油炸嘅人士千祈唔好错过。
除咗烧大头虾之外仲有好多唔同嘅肉类可以烧例如猪扒，牛扒，鸡翼，串烧。值得一题嘅就有好多唔同嘅海鲜，例如扇贝，带子，圣子等等。真系目不暇给。
净系食出边嘅自助食品其实已经食唔晒，但系餐厅仲好贴心咁会每人奉上一盒指定嘅刺身 ，如果唔够可以追加。另外仲会有带子鲍鱼拼盘一份。真系饱到郁唔到，非常满足呀！
张贴
