新記芝士麵 (已結業)

新记芝士面，又系一间大隐隐于市嘅本土食店。差唔多九点嚟到，人唔算太多，仲有少少枱未满。事头婆系爱狗之人，收银处贴满狗相，而且不断同佢只狗系收银台度玩。一坐低，即点两味：猪颈肉芝士面 同 蜜汁龙须。后者先至。三个字：劲好食！啲蜜汁非常入味，加上芝麻香，完全系画龙点睛。大推！芝士面。面唔会煮得太软，所以食落有口感。猪颈肉本身做得不过不失。两者再配搭上一大片芝士汁，只可以讲系「非常放肆」！好滋味。唯一要吹毛求疵嘅美中不足，就系芝士唔够香。不过呢种芝士先有港味，换转咗用真系有水准嘅芝士，可能就冇咗呢种本地感。结论：值得返嚟一食再食！