漁之部屋 (已結業)

香港人真系好中意食放题自助餐，贪佢款式多，又可以任食。迎合大家嘅口味，所以周围都有放题餐厅。今日约咗朋友一齐出去食饭，又好鬼肚饿，一于唔洗烦，放题最实际。天晋汇渔之部屋好似睇黎唔错，又近我哋，所以就即时BOOK枱。好彩有book咋，唔系有排等。一入到去，朋友即刻点野食，我就去拎野饮。刺身有三文鱼、甜虾、希灵鱼、吞拿鱼，样样都好新鲜。三文鱼又肥美又大件，希灵鱼唔会腥，正。甜虾好弹牙。朋友竟然会叫寿司!!!! 我就抢左件炙烧带子寿司，带子鲜甜好味。嚟个泰式鸡脚小食，开开胃先，细细碟，真系好。食咗咁多嘢，食返个地狱海鲜乌冬暖下𠮶胃。哗! 真系好足料，虾又大又弹牙，青口都好味，最正系𠮶汤底。哗，今餐真系好满足呀，食到要散步返屋企。