築地番本日式放題 (已結業)

又系一星期一度同妈妈出街食饭既日子（大个女就系甘，呢d钱唔悭得），妈妈话想食放题，就决定带佢去朋友介绍既筑地番本。跟住地址，原来都唔易揾，差少少就去错。坐低后见到放题纸成本书甘厚，睇见都兴奋。好快野食就上枱了，熟食味道不过不失。寿司刺身睇落已经好轮睇头，寿司细细件握得好靓，鱼生表面有光泽好新鲜。寿司当中最吸引系小小既卷物，细细件易入口又唔饱，可以食多几件。佢地既寿司饭都高质，小小酸，唔松散。卷物方面都好有心思，有唔同既配搭，每一款都有惊喜。最钟意系芝士鳗鱼卷，鳗鱼味道甜甜无腥味，芝士香浓入口creamy，正。刺身当中，甜虾有头大大只，好够睇头，而且入口鲜甜。三文鱼系妈妈最爱，佢都几满意。我最钟意就系油甘鱼，佢地用左腩位厚切，十分肥美。一口咬落，满满既鱼油溢出，鲜甜既鱼味充满口腔，食完后仲有鱼油既香味充满住，十分满足。食到差唔多后就有另一重头戏-帽子戏法。帽子下面系一系粥底既蒸炉，将自选既海鲜放0系炉面，放上帽子。粥既蒸气会将上层既海鲜蒸熟，同时上层海鲜既精华会流落下层既粥底。打开帽子，蒸熟既海鲜香气四溢，入口鲜甜。但重头戏原来系最后既粥底，软绵绵既粥底吸收哂海鲜既精华，虽然系入口只有白