花椒子 (已結業)

花椒子装修非常有特色，一入店内就会见到鲜明嘅太空主题，有外星人、太空船、星球同埋好靓嘅幻灯。除咗外在，食物更加系选择多质素高，既可以放题、又可以叫餐或者单点，照顾到不同食客嘅需要～今次点选咗海鲜二人餐，估唔到饮品除咗普通嘅可乐汽水，仲可以嗌价钱比较高嘅朝asahi啤酒，真系喜出望外～另外加咗$48叫花胶鸡锅，绝对物有所值，鸡汤又滑又香浓，花胶数量都唔少又弹牙，养颜一流～一个价钱可以叫一个鸳鸯锅，令一边嗌左麻辣鸭血，够晒香辣😋一个价钱两种享受，手切牛小扒好香牛味，烚一烚十声即起既有口感，又够嫩滑！呢个餐最正嘅就系海鲜，平平哋7 800蚊可以有鲍鱼、海鱼、海虾、扇贝、翡翠螺等等高级嘅食材，而且仲好新鲜，样样都咁好味！帆立贝仲有啲膏，海虾够晒实肉，最正系个鱼，鱼味肉质一流😍午市仲免加一，下次喺旺角想打边炉，又唔想食啲连锁店，记得黎试吓花椒子！