相撲手日式放題 (已結業)

正当大家挣扎紧谂唔到食咩嘅时候。大家就会选择食放题！因为我哋一行人响尖沙咀，所以都系宝勒巷附近揾食。虽然系楼上铺，但系见到佢冻咗个牌系街边咁我哋就试吓啦！刺身有好多选择，有甜虾，三文鱼，蟹脚，帆立贝，北寄贝，荣螺......佢所有嘅刺身都好新鲜，值得一提嘅系佢嘅甜虾！一般出边食到嘅甜虾都系好细条，但系佢哋嘅size系好大！另外每人可以叫两只生蚝，生蚝系肥美同新鲜，我都只系落咗柠檬汁就就咁食！其实寿司有好多款，因为我想留肚所以就净系点左我最钟意食嘅鹅肝！鹅肝方面好香好juice，一啲都唔干。响炸物方面呢，佢哋嘅芝士年糕，榴梿炸弹，金丝脆虾盏都热辣辣好脆，唔会话够粉厚过啲馅！另外我好钟意佢嘅蟹盖，入边有好多蟹肉，个个食完都再encore！最后呢我就食咗个蟹粥，因为实在太饱啦食唔落甜品！佢啲蟹粥好甜，而且仲有只蟹脚！总结坐嘅位置都算阔落，食物质素好，侍应服务态度都OK，价钱亦都合理！