胡爐 (已結業)

好耐冇嚟呢度打边炉喇。原来佢哋而家做紧半放题打边炉，有三款煲底，我哋拣咗惹味鸡煲（走辣），啲鸡好有鸡味。然后再有好丰富嘅「至尊拼盘」，有5款时令海鲜：鲍鱼、蚝、海虾、带子、蚬。海鲜好鲜甜啊！而打边炉唔少得嘅梗系呢个「手工丸饺拼盘」，有黑松露墨鱼丸、虾丸、芝心丸、泰皇先虾云吞、带子饺、鱼皮饺。啲丸好爽口弹牙、啲饺子好有特色！个餐唔单止有鸡煲、海鲜、丸饺，仲送埋「蚝皇鲍鱼佛跳墙」，真系非常丰富！其实食完个餐已经好饱，但放题食品仍然多箩箩，我哋再叫生菜、娃娃菜、炸鱼皮、鱿鱼须、豆腐、支竹…仲有好多嘢食未叫，但已经饱到就爆肚了😅