大喜屋 (已結業)

今次系同女友拍拖822日既纪念，其实都系大家想食生勾勾既野，巧立名目去食啫。香港有好多间大喜屋，今次我地试呢间贪佢就脚，可能我地早到关系，唔洗点等位就坐底。同其他放题唔同，呢到无自助吧，亦都无任攞饮品既雪柜。有好有唔好啦，我就好享受奉旨比人serve既感觉啦，职员态度同反应都好快，岩哂我地呢d懒人！食物种类都唔少，生勾勾既野方面，新鲜呢样野就一定啦，身为大喜屋粉丝，绝对唔担心。另外我地叫几多，佢比足几多，呢个都抵赞！我系一个怪人，除左热食之外，我去亲放题都要叹下佢d热食，今次叫左个炒蚬，估佢唔到又几够惹味几好锅气，最正系热辣辣咁拎出黎！大排档风味，唔食生野既朋友都唔洗怕！另一个喜欢大喜屋既原因系，临尾会跟个雪糕，呢个真心抵赞，用黎做一餐既终结就真系完美不过，今次呢个节日限定系芝士忌廉麻薯，超值！