影片
更多
2016-07-07
15557 浏览
六月头老爷生日，我地同佢去左BBQ7080亚士厘道个间，我地谂住同老爷做生日，费事食放题啦，因为惊放题啲料会差啲（真系小人之心）结果五个大人食左16xx。六月尾我同家姐细佬带阿仔去愉城玩，佢地话想食烧肉，谂起BBQ7080有做放题，咁不如去试下啦，食完即刻觉得月头老爷个餐饭无拣放题实在蠢到一个点，放题既质素完全同自己叫既一样，款又多又任饮任食，价钱仲平一截我地个晚四大人一bb，都系8xx咋，饱到不得了，而且系荃湾呢间有军队主题既，生日仲有职员唱晒军人式生日歌送蛋糕，个种震憾真系唔关事既外人都开心埋一份，好后悔月头无拣呢到呀希望BBQ7080会继续做放题又keep住呢个水准，迟啲妈咪生日同佢黎实开心死（有人突然唱生日歌呢啲真系好buy架，仲要军人式个只，真系唔系现场唔会明有几震撼）讲返放题当晚既质素先，其实我一向都钟情7080啲已调味既肉，佢用梨腌得好好食，去过其他韩式烧肉店都觉得唔够呢到好味）当晚老公同细佬两位男士都系食得之人，老公牛魔皇，细佬就主攻羊架，我同家姐样样都食，阿仔就最爱呢到既炒粉丝，次次都乖乖食好多。我要忙于照顾阿仔，啲肉既相都影得唔多添肉类方面，我地差唔多样样都有叫咁滞
六月尾我同家姐细佬带阿仔去愉城玩，佢地话想食烧肉，谂起BBQ7080有做放题，咁不如去试下啦，食完即刻觉得月头老爷个餐饭无拣放题实在蠢到一个点，放题既质素完全同自己叫既一样，款又多又任饮任食，价钱仲平一截我地个晚四大人一bb，都系8xx咋，饱到不得了，
而且系荃湾呢间有军队主题既，生日仲有职员唱晒军人式生日歌送蛋糕，个种震憾真系唔关事既外人都开心埋一份，好后悔月头无拣呢到呀希望BBQ7080会继续做放题又keep住呢个水准，迟啲妈咪生日同佢黎实开心死（有人突然唱生日歌呢啲真系好buy架，仲要军人式个只，真系唔系现场唔会明有几震撼）讲返放题当晚既质素先，其实我一向都钟情7080啲已调味既肉，佢用梨腌得好好食，去过其他韩式烧肉店都觉得唔够呢到好味）
当晚老公同细佬两位男士都系食得之人，老公牛魔皇，细佬就主攻羊架，我同家姐样样都食，阿仔就最爱呢到既炒粉丝，次次都乖乖食好多。
我要忙于照顾阿仔，啲肉既相都影得唔多添
肉类方面，我地差唔多样样都有叫咁滞，样样都唔错，其中猪腩肉、羊架、牛仔骨、牛舌、猪皮、鸡柳我觉得都系食完可以再添架，五花腩，羊架，牛仔骨、牛排骨全都肥瘦均匀，
烧肉最忌太瘦，好易鞋嘛，而且全都肉汁非常充足，牛舌本身特别喜好，如可以厚返少少会更好，猪皮今次烧得软绵绵，感觉好得意，有别于之前食过「un un」既口感，
鸡柳烧后甜甜地，就算唔蘸酱汁都一样好味。
烧凤爪口感好得意，我好钟意，但家姐觉得怪怪地食物喜好呢回事好主观既
我平时好钟意食海鲜，但烧海鲜硬系觉得唔太好食，唔关质素时，纯粹系自己唔太钟意烧海鲜罢，不过其实呢到既虾都好大只。
任饮方面我最钟意无他既锡兰红茶，有气个只无咁好饮，呢到都有可乐，而且仲系好新既货添，已经系最近广告卖既月份同日期个只款喇。
熟食方面，韩式炒粉丝点完又再点就知有几好味啦，岁半既仔仔自己逐条食都不知几滋味，石锅杂锦饭好味，但可能我地落得太多韩式辣酱喇，食两啖我已经食唔到，
煎饺香脆，韩式年糕甜甜辣辣都唔错，煎饼我就觉得唔太好食，不过我最钟意都系炒粉丝，而且烧肉放题都系主攻肉，熟食轻尝就算明显我地都系食肉兽啦，我问叫唔叫菜佢地都无反应，可能唔会比啲菜霸左个胃啲位啦
整体黎讲，真系估唔到放题啲肉质素会咁高，完全同我平时单点一样，所以一日仲有放题，我系唔会再单点咁蠢架喇荃湾呢间个场又大啲，我觉得好坐过亚士厘到个间好多，唯一系搭电梯要排比较耐队。特别一赞系BBQ7080系难得一间有bb櫈既烧肉店，对于有小朋友既家长实在系太太太好，我食过好多其他烧肉店都无bb櫈提供，最多得卡位，呢点实在要高度赞扬BBQ7080。
同埋呢到有个几有型既oppa呢
张贴
