稻八日式火鍋炸物放題 (已結業)

最近有啲想食放题火锅，所以就约咗朋友嚟到稻八开餐，知道餐厅庆祝 6 周年，所以任何放题包任饮啤酒、清酒同梅酒 😍 重有十多款日式炸物小食。火锅放题有五款价钱选择，放题除咗有得打边炉之外，仲有好多款炸物提供，例如有牛肉薯饼、南瓜薯饼、一口芝士、吉列蚝、唐扬鱿鱼咀、日式饺子、八爪鱼丸子、芝士年糕、日本烧饼、吉列帆立贝。落完单冇耐就出去行一圈睇下啲架步，饮品柜虽然得两个，但系饮品款式非常之多，而且出面仲有一个自助吧，放咗好多唔同种类嘅食品，有鸭血、豆腐、生菜、菇类等等。雪糕柜有雪糕糯米糍同杯装雪糕任食。😋返埋位无耐啲嘢食就送到埋嚟，刺身非常唔错，相当新鲜 🤤 肉类亦相当精神，我哋拣咗 $298 套餐，所以有三款牛可以任叫，而且鸡、羊、豚都系无限量供应。超钟意食炸物，所以每款都叫黎试吓。