三木日本料理 (已結業)

一大班朋友约食饭，唔想谂食咩，食放题就最好，咩都有得食，唔使谂，唔使拣。唔想食乜乜乜，价钱太贵，有人介绍青木，价钱ok啦，6个人有间厢房，非常好，不过book左枱都要等，有无咁多人食啊?放题头轮当然系狗冲咁叫哂刺身，有咁多叫咁多，样样都试，叫咁多，莅足咁多，无偷功减料。有人同我讲，全港日本野既刺身都系得几间供应商，大家味道差唔多，差在边个保存得好。好吧, 除左虾之外，其他保存得几好，够新鲜三文鱼够肥，吞拿鱼够鲜美无渣，未系入口即溶，但都溶溶地。喂，唔够皮，莅多一轮，都系跟单足料，咁算你啦。跟住当然食串烧，串烧等得比较耐，师傅要时间烧，肥牛金蘑够惹味，普遍都烧得干身，冬菇喊味合到好处。鸡翼都食左几只，辣酒花螺Ok，只嫌不够辣。朋友仲介绍，青木出名甜品，甜品师傅有心思做，不会太甜太腻，食完返闺刚刚好。人头2百几，唔系平, 但性价比ok。