三木日本料理 (已結業)

中学同学庆祝圣诞节，唔知食乜，放题就实无死啦！乜都有得食，唔使烦朋友介绍尖沙咀三木唔错，即管试吓！刺身都唔错，点左三文鱼，北寄贝，象拔蚌，甜虾，带子等等，全部都唔错去亲食放题我就一定食牛油炒粟米粒，但系呢一间嘅牛油粟米粒冇乜牛油味，又唔够甜，实在有啲失望其他热食例如炸虾天妇罗多春鱼天妇罗等等都几好食，朋友就最钟意食佢嘅南瓜天妇罗同埋番薯天妇罗啦串烧都几好味，尤其是烧墨鱼咀，认真一流，必食推介最后我哋事先同店员有私底下夹过，如果我哋点甜品嘅时候嗌左芝士饼，帮我地喺上面插支蜡烛，最后芝士饼上咗嘅时候冇蜡烛，然后店员仲行埋黎问我地系咪要插蜡烛，当堂全都人呆左，然后佢讲声唔好意思就走左，好彩最后另一个店员有插支蜡烛系个芝士饼上面俾返我哋补救，咁都好啲如果钟意食放题嘅朋友可以试吓呢间，价钱唔贵，甚至可以话平，坐得都几舒服，唔会好迫夹！