瀛喜日本料理 (已結業)

n年唔见一次嘅中同终于成功约齐人。人数都唔少，要满足晒各人嘅需要，就只有两个选择：火锅或者放题。最后都系放题，而地点系荃湾瀛喜日本料理。由于人数唔少，所以咩都点下，每人二百蚊有找，都几抵食嫁!寿司方面，推介鳗鱼寿司和黑松露三文鱼寿司，前者味道清新，后者有黑松露点缀，与三文鱼好夹。鱼生方面，三文鱼和鲍片很好，重点推介海胆，鲜甜又唔腥。炸物方面，南瓜，蕃薯，虾和蚝都不过不失，略嫌有少少油腻。沙律嘅质素普通。极力推介三文鱼腩，系必点，鱼腩肥美滑溜，食落好满足。而另一小食朱古力球棒，呈深啡色，圆碌碌，口感就似温暖嘅麻薯，内里是热嘅朱古力，但唔会太甜，甜品爱好者必食!!!!几个人，不论男女，都食到饱一饱，不错耶!